Әлеуметтік желілер

Керек емессіз…

Шығармалар

Керек емессіз…

Жазармын тағы да біраз өкпелеп өлең,
Сезімнің сергелдең жолын өткере келем.
Менің тағдырым болып әу баста жаралмағаныңыз үшін
Мен сізді жек көре берем…

Мұңдылау жанарымды да сықпайтын болам,
Үнсіздік шеңберінен де шықпайтын болам.
Менің жанымды жаралап ұқпағаныңыз үшін
Мен сізді ұқпайтын болам…

Қадам  басамын барлығын құртам дағы,
(Махаббатымның жалыны жылыта алмады).
Менің жанымды жаралап ұқпағаныңыз үшін
Мен сізді ұмытам әлі…

Түсіне алмай өмірдің (алып) ағысын,
Жылады бүгін құлазып жаным тағы шын.
Сіздік бейнені кеудемнен өшірсем бе екен?
Сарғайып сағынбау үшін…

Мойынсынумен сезімге келем егессіз,
Сіз мен үшін өзгеден бөлек елессіз.
Есіңізде болсын дәл осы секундтан бастап
Маған керек емессіз!

1 пікір

1 пікір

  1. Саясат

    Сәуір 2, 2017 at 09:38

    Өте әдемі

Пікір қалдыру

Сіздің поштаңыз жарияланбайды. Толтыру міндетті *

"Шығармалар" айдарындағы жазбалар

Жоғары